அரசியல் பண்புகள்

அண்மையில் கொழும்பிலுள்ள ஹோட்டல் ஒன்றுக்கு சாப்பிடச் சென்றிருந்தேன்.

கிழக்கு மாகாணத்தைச் சேர்ந்த அரசியல்வாதி ஒருவர் தனது சகாக்கள் சகிதம் அங்கு உணவருந்த வந்திருந்தார்.

ஏற்கனவே அந்த ஹோட்டலில் சாப்பிட்டுக் கொண்டிருந்த குறித்த அரசியல்வாதியின் பிரதேசத்தைச் சேர்ந்தவர்களுக்கும் இவருக்குமிடையில் சமகால அரசியல் விடயங்கள் குறித்து பேச்சு வளர்ந்தது.

சமகால அரசியல் போக்குகள் குறித்து அதிகம் சலிப்படைந்தவராகக் காணப்பட்ட அந்த அரசியல்வாதி தான் அரசியலிலிருந்து ஒதுங்கப் போவதாகவும் தற்போது அரசியல் என்பது போட்டி, பொறாமை, நயவஞ்சகத்தனம், குத்து வெட்டுக்கள் நிறைந்த ஒன்றாக மாறிவிட்டமையே தனது முடிவுக்குக் காரணம் என்றும் குறிப்பிட்டார்.

உண்மையில் எல்லா அரசியல்வாதிகளும் இவரைப் போன்று இன்றைய அரசியலை நன்கு விளங்கி வைத்திருக்கிறார்கள்தான். ஆனால் என்னவோ தெரியவில்லை. அவர்கள் அரசியலை விடுவதாகவோ அல்லது இந்த `அரசியல் பண்புகள்' அவர்களை விடுவதாகவோ இல்லை என்பது மட்டும் உண்மையிலும் உண்மை.